कमेडी शैलीको गीत रिलिज गर्दै ‘लाल पुर्जा’को प्रदर्शन मिति तय

फिल्म ‘लाल पुर्जा’ ले आफ्नो प्रदर्शन मिति तय गरेको छ। माघ ४ गते बाट प्रदर्शनमा आउने मिति पक्का गर्दै एक गीतको भिडियो समेत रिलिज गरिएको छ। जेसन कुँवरको शब्द तथा संगीत रहेको गीतमा कुँवर स्वयम्, अञ्जान बाबु सुवेदी, सुम्निमा सिंह, संगीत चौंलागाईं र पुष्पा पलाञ्चोकेको स्वर सुन्न सकिन्छ। कमेडी शैलीको यो गीतको भिडियोमा सौगात मल्ल, विपिन कार्की, मेनुका प्रधान, मिरुना मगर लगायत कलाकारहरु देखिएका छन्। विक्रम सिंह थारु र उमेश श्रेष्ठको संयुक्त निर्माण रहेको लाल पुर्जा लाई नरेन्द्र मैनालीले खिचेका हुन्। फिल्मले झगडालु दाजुभाईको कथा मितेरी गाउँको कथा बताउँनेछ। यो फिल्मका निर्देशक निगम श्रेष्ठ हुन्।

Subscribe on YouTube