रामजी ज्ञवालीको ‘डार्क मुन’ मा हाम्रो समाजको नदेखिने पाटो

एक दशकदेखि कला पत्रकारितामा सक्रिय रामजी ज्ञवालीको निर्देशनमा तयार भएको छोटो चलचित्र ‘डार्क मुन’ रिलिज भएको छ। चलचित्रमा साहिल खान, सूर्या थापा, क्रिजन गौतमले शीर्ष भूमिका देखिएका छन् भने नुजा कार्की, निशाव लम्साल, यूमी बरालको पनि चलचित्रमा अभिनय गरेका छन्।

साहिल खान चलचित्र उद्योगका सर्वाधिक डिमाण्डेड ट्रेलर मेकर हुन्। सुर्या केहि चलचित्रमा अभिनेत्रीको भुमिकामा काम गरिसकेकी छिन् भने क्रिजन गौतम नेपाली चलचित्र उद्योगका स्थापित वालकलाकार हुन्।

सामाजिक यथार्थ घटनालाई देखाउन खोजिएको यो चलचित्रमा ‘एउटी आमाले सन्तानप्रतिको दायित्व बिर्सदा उनका सन्तानको भविष्य कतातर्फ जान्छ ?’ भन्ने कथा मनछुने तरिकाले देखाउन खोजिएको छ।

निर्देशक ज्ञवाली भन्छन्, –‘यो समाजको यथार्थ तस्वीर हो। यो चलचित्र हेरिसकेपछि हरेक आमाबुवाले के सोचिदिनुपर्छ भने, आफ्ना सन्तान आफ्नै कारण घरवारविहिन नहुन् आफ्नो व्यक्तिगत खुसीका लागि सन्तानको भविष्य अन्धकार नहोस् भन्ने शन्देश दिनु यसको उद्धेश्य हो।’

चलचित्रमा आमाको मात्रै दोष देखाइएको छ भन्ने प्रश्नमा ज्ञवाली थप्छन्, ‘वास्तबमै आमा हरेक सन्तानका लागि महान् हुन्, आमा नभएको परिवारका धेरैजसो सन्तानले दुःख पाएका छन् । सन्तानप्रति आमाले जत्तिको जिम्मेवारी कमै बाबुले गर्छन्।’ सडक बालबालिकाहरुको कुरा सुन्दै गर्दा अधिकांशले आमा पोइला गएकाले अथवा अर्कै आमाको माया नपाएका कारण आफु घर छाडेको प्रतिक्रिया दिएका छन्, ज्ञवाली थप्छन्, ‘घटनालाई काल्पनिक रुपमा प्रस्तुत गरिएको छ, आशा छ दर्शकले यसलाई सहर्ष स्विकार गरिदिनुहुनेछ।’

डार्क मुनको कथा नेपाली चलचित्र उद्योगका सफल चलचित्र लेखक प्रदीप भारद्धाजले लेखेका हुन्। कृष्मा गौतम र सारा भूर्तेलले निर्माण गरेको यो चलचित्रलाई नवराज उप्रेतीले छायाँकन गरेका हुन्। चलचित्रमा सुदीप बरालको डिओपी, एलिश कार्कीको ब्याकग्राउण्ड स्कोर, बिशाल निरौलाको गायन तथा संगीत, साहिल खानको सम्पादन छ।

द सेलिब्रेटी टाइम्सले प्रस्तुत चलचित्रलाई आफ्नै युट्युब च्यानलमार्फत रिलिज गरिएको हो। निर्देशक रामजीले यसअघि ‘लकडाउन’ नामक छोटो चलचित्र सार्वजनिक गरेका थिए।

रामजी ज्ञवालीको ‘डार्क मुन’ हेर्नुहोस्

‘Dark Moon’ a film by Ramji Gnawali

Subscribe on YouTube