आकर्षक दृश्यहरु संग्रहित शिवाजको नयाँ म्युजिक भिडियो “जय नेपाल”

‘चाहे माया गर’, ‘किन दुख्छ मुटु मेरो’ लगायतका गीतहरु मार्फत चर्चामा आएका गायक लामिछानेलाई शिवाजको नामले सांगीतिक दुनियामा चिन्ने गरिन्छ। यतिबेला उनै शिवाजको नयाँ गीत को भिडियो रिलिज भएको छ। भिडियोमा हिमाली मनोरम दृश्यलाई देख्न सकिन्छ भने यसमा शिव आफै फिचरीङ छन्। गीतमा विभिन्न भाषाभाषी र उनीहरुको संस्कृतिलाई देखाइएको छ। गीतमा हर्कुलस बस्नेतको शब्द र संगीत छ। ‘गीत मार्फत नेपालको सुन्दरता देखाउने प्रयास गरिएको छ’ शिव भन्छन ’गीत मार्फत हामीले हिमाललाई संस्कृतिसंग जोड्ने प्रयास गरेका छौ।’ गीतलाई नरेन लिम्बु र विनय कंसाकारले संयुक्त रुपमा छायाँकन गरेका हुन्। भिडियोमा बिनयकै सम्पादन र नरेनको निर्देशन रहेको छ। – भिडियो हेर्नुहोस्