शिल्पाको ‘मङ्गलम’मा के गर्दैछिन् सम्राज्ञी ?

छविराज प्रोडक्सन र गुण सिनेमाको संयुक्त ब्यानरमा निर्माण भएको चलचित्र ‘मङ्गलम’ को ट्रेलर बाहिरिएको छ। यो यस अघि यो चलचित्रको दुई गीतका भिडियोहरु रिलिज गरिएको थियो। दर्शक स्रोताले चलचित्रका रिलिज गरिएका गीतहरु मन पराएका छन्। त्रिकोणत्मक प्रेम कथामा आधारित भनिएको यो चलचित्रमा शिल्पा पोखरेल, पुष्प खड्का, साम्राज्ञी राज्यलक्ष्मी शाह, पृथ्वीराज प्रसाई, निर शाह, मिथिला शर्मा लगायतका कलाकारको अभिनय छ। नवल नेपालले निर्देशन गरेको यो चलचित्र नायिका शिल्पा पोखरेलको प्रस्तुतिमा तयार भएको हो। चलचित्रमा शिल्पा पोख्रेल, पुष्प खड्का, दिजेन्द्र शाक्य, साकार ओझा र ओम गुरुङले मिलेर लगानी गरेका छन्। चलचित्रका कार्यकारी निर्माताको रूपमा छविराज ओझा छन्। यो फिल्म फागुन २५ गते रिलिज हुँदै छ।