‘एटीएम’बाट बिग्रिएको छवि सुर्धान प्रयासरत नायिका सविना कार्की यतिबेला ‘रफ्तार’को सुटिङमा व्यस्त छिन। समिर बलामी निर्देशित यो चलचित्रको छाँयाकन एक साता अघिबाट सुरु भएको हो। समिरले राजधानीका विभिन्न भागका दृश्य फिल्ममा कैद गरिरहेका छन।
‘रफ्तार’मा सविनाले कलेज गर्लको भूमिका निर्वाह गरिरहेकी छिन। उनले यो चलचित्रले आफ्नो धुम्लिएको छवि सपार्ने विश्वास व्यक्त गरिन। ‘यो चलचित्रमा म विल्कुलै भिन्न भूमिकामा प्रस्तुत भएकी छु। निकै मेहनत पनि गर्दैछु,’ उनले भनिन्, ‘त्यसैले दर्शकले मन पराउनुहुनेछ भन्नेमा ढुक्क छु।’ चलचित्रमा सविनासहित प्रमोद ढुंगाना, सुमन थापा, उत्तम केसीलगाएतका कलाकारको अभिनय रहेको छ। जाडोले गर्दा छाँयाकनमा कठिनाई भइरहेको निर्माण पक्षले जनाएको छ। प्रेम कथामा आधारित यो चलचित्रमा अनिल महर्जनको लगानी रहेको छ। सविना अभिनित ‘पंगा’, ‘वान साइड लभ’लगाएतका चलचित्र प्रदर्शनको क्रममा छ।
