Actress Rajani KC
सामान्यतः फिल्म रिलिज भएपछि हिरोइनको चर्चा चुलिन्छ तर रजनी केसीको हकमा उल्टो भइदियो। पहिलो फिल्म लोफर रिलिज भएसँगै उनको चर्चा पनि सेलायो। चर्चा गरिए अनुरूपको भूमिका र प्रस्तुति नभएका कारण रजनी ओझेलमा परेकी हुन्। त्यसमाथि गडफादर छविराज ओझाले नयाँ फिल्म लज्जामा अर्कै हिरोइनलाई लिएपछि उनी थप संकटमा परनि्। जबकि, उनलाई रेखा थापाको विकल्पका रूपमा हेरिएको थियो। अरू कुनै निर्माता/निर्देशकले पनि पत्याएनन्। तर, आफूले डेब्यु गराएकी हिरोइनले फिल्म नपाएपछि छविको मन दुखेछ क्यारे! अहिले रजनीको पोल्टामा निर्देशक नारायण रायमाझीको प्रवास नामक फिल्म पारिदिएका छन्। फिल्ममा उनले प्रशान्त तामाङसँग रोमान्स गर्ने मौका पाएकी छन्। गडफादर छविको आशीर्वाद रजनीलाई कहिलेसम्म हुने हो ? हेर्न बाँकी छ।
