नायक निखिल उप्रेतीले नयाँ चलचित्र “रुद्र” निर्माण गर्ने घोषणा गरेका छन्। यो चलचित्रबाट मोडल विश्व शर्मा र युके बस्दै आएकी मोडल साराले डेब्यु गर्दै छन्। विश्व शर्मा कमल खत्रीको चर्चित गीत “आत्मा मा “बोलको म्युजिक भिडियो का मोडल हुन्। उनले अन्य केहि गीतहरुको म्युजिक भिडियोहरुमा समेत अभिनय गरेका छन् भने साराले नबु घलेको “स्वाक्क स्वाक्क” बोलको म्युजिक भिडियोमा अभिनय गरेकी छिन। उनि चार्टड एकाउन्ट स्टुटेन्ड तथा भिडियो सम्पादक पनि हुन्।
रामजी लामिछानेको निर्देशनमा निर्माण हुन लागेको चलचित्रको घोषणा कार्यक्रममा बोल्दै निखिलले आफु पहिलो पटक भिलेनका रुपमा देखिन लागेको बताउदै आफ्नो चलचित्र पूर्ण रुपमा आर्टिफिसियल हुने बताएका छन्। उनले भने – पोर्न फिल्म मात्र अर्गानिक हुन्छ, मेरो फिल्म पूर्ण रुपमा आर्टिफिसियल हो। निखिलको यो भनाईमा तपाईको सहमति छ वा छैन ? कृपया तपाईको विचार कमेन्टमा लेख्नुहोस्।
