Inmark.ai Launches in Nepal to Connect Content Creators and Brands
कन्टेन्ट क्रिएटर र व्यावसायिक ब्रान्डबीचको सहकार्यलाई एउटै डिजिटल प्लेटफर्मबाट व्यवस्थापन गर्ने उद्देश्यसहित एआईमा आधारित ‘इनमार्क’ (Inmark.ai) सञ्चालनमा आएको छ। काठमाडौंमा आयोजित कार्यक्रममा सार्वजनिक गरिएको यो प्लेटफर्मले क्रिएटर खोज्ने प्रक्रियादेखि क्याम्पेन ब्रिफ, कन्टेन्ट स्वीकृति, भुक्तानी र रिपोर्टिङसम्मका कामलाई एउटै प्रणालीमा समेट्ने लक्ष्य राखेको छ।
प्रिक्साले सञ्चालनमा ल्याएको इनमार्कलाई क्रिएटर, इन्फ्लुएन्सर, यूजीसी क्रिएटर, ब्रान्ड तथा मार्केटिङ एजेन्सीलाई जोड्ने creator marketing platform का रूपमा विकास गरिएको छ।
इन्फ्लुएन्सर मार्केटिङमा ब्रान्ड र क्रिएटरबीच हुने सम्पर्क, पारिश्रमिकको छलफल, क्याम्पेन ब्रिफ, कन्टेन्ट स्वीकृति र रिपोर्टिङजस्ता धेरै काम अहिले पनि सामाजिक सञ्जालका म्यासेज, इमेल वा छुट्टाछुट्टै माध्यमबाट व्यवस्थापन हुँदै आएका छन्। इनमार्कले यही प्रक्रियालाई एउटै डिजिटल वर्कबेन्चमा ल्याउने प्रयास गरेको हो।
एआईले खोज्नेछ उपयुक्त क्रिएटर
प्लेटफर्ममा ब्रान्डले आफ्नो क्याम्पेनको उद्देश्य, बजेट, लक्षित दर्शक र आवश्यक कन्टेन्टबारे विवरण राख्न सक्छन्। त्यसका आधारमा एआईले क्याम्पेनका लागि उपयुक्त क्रिएटर छनोटमा सहयोग गर्ने व्यवस्था रहेको कम्पनीले जनाएको छ।
इनमार्कले क्रिएटरको कन्टेन्ट शैली, दर्शक, विगतको काम तथा क्याम्पेनसँगको सम्भावित मेलका आधारमा सिफारिस गर्ने बताइएको छ। कम्पनीले यसलाई ‘एआई फिट स्कोर’का रूपमा प्रस्तुत गरेको छ।
ब्रान्डले भिडियो वा भ्वाइस नोटमार्फत क्याम्पेनबारे जानकारी दिएपछि एआईको सहयोगमा ब्रिफ तथा आवश्यक सामग्री तयार गर्न सकिने सुविधा पनि राखिएको छ। प्लेटफर्ममा क्याम्पेनको बजेट, डेलिभरेबल, समयसीमा, कन्टेन्ट रिभ्यु र रिपोर्टिङ व्यवस्थापन गर्न सकिनेछ।
इनमार्कको आधिकारिक विवरणअनुसार प्लेटफर्ममा creator discovery, AI-assisted campaign brief, structured approval र campaign performance reporting जस्ता सुविधा उपलब्ध छन्।
क्रिएटरका लागि ब्रान्ड डिल व्यवस्थापन
क्रिएटरका लागि भने आफ्नो प्रोफाइल र कन्टेन्टसँग मेल खाने ब्रान्ड क्याम्पेन भेट्न सहज बनाउने इनमार्कको योजना छ। क्याम्पेनको काम, पारिश्रमिक, कन्टेन्ट डेलिभरी र स्वीकृतिको प्रक्रिया एउटै प्लेटफर्ममार्फत व्यवस्थापन गर्न सकिनेछ।
इनमार्कको ‘Terms of Service’ अनुसार क्रिएटरले तयार गरेको मूल कन्टेन्टको स्वामित्व क्रिएटरमै रहनेछ। कुनै ब्रान्डले उक्त कन्टेन्ट कहाँ, कति समय र कुन प्रयोजनमा प्रयोग गर्न पाउने भन्ने अधिकार सम्बन्धित क्याम्पेन ब्रिफमा तय हुनेछ।
प्लेटफर्ममा क्याम्पेनका लागि राखिएको रकम स्वीकृत डेलिभरेबलपछि क्रिएटरलाई उपलब्ध गराउने व्यवस्था रहेको इनमार्कले जनाएको छ। क्रिएटरले आफ्नो दर आफैं निर्धारण गर्न सक्ने र प्लेटफर्मले funded campaign मा निश्चित शुल्क लिने व्यवस्था पनि उल्लेख गरिएको छ।
बढ्दो क्रिएटर इकोनोमी
सोसल मिडिया, सर्ट भिडियो र डिजिटल कन्टेन्टको प्रयोग बढेसँगै पछिल्ला वर्षहरूमा विश्वभर क्रिएटर इकोनोमी र इन्फ्लुएन्सर मार्केटिङ तीव्र रूपमा विस्तार भएका छन्।
Goldman Sachs Research ले सन् २०२३ मा सार्वजनिक गरेको अध्ययनमा विश्वव्यापी क्रिएटर इकोनोमीको सम्भावित बजार आकार त्यतिबेला करिब २५० अर्ब अमेरिकी डलर रहेको अनुमान गर्दै सन् २०२७ सम्म करिब ४८० अर्ब डलर पुग्न सक्ने प्रक्षेपण गरेको थियो। उक्त अध्ययनले ब्रान्ड डिललाई क्रिएटरहरूको प्रमुख आम्दानीका स्रोतहरूमध्ये एक मानेको छ।
नेपालमा पनि डिजिटल विज्ञापनसँगै इन्फ्लुएन्सर र कन्टेन्ट क्रिएटरमार्फत गरिने ब्रान्ड प्रचार बढिरहेको छ। सरकारले सन् २०२६ मा ल्याएको राष्ट्रिय विज्ञापन नीतिले सामाजिक सञ्जाल, इन्फ्लुएन्सर मार्केटिङ र एआई प्रयोग गरी बनाइने विज्ञापनलाई समेत विज्ञापन नियमनको दायरामा समेटेको छ। नीतिमा sponsored content तथा influencer marketing गर्दा त्यसको प्रकृति स्पष्ट रूपमा खुलाउनुपर्ने व्यवस्था गरिएको छ।
यस्तो अवस्थामा इनमार्कजस्ता प्लेटफर्मको प्रभावकारिता भने क्रिएटर र ब्रान्डको सहभागिता, उपलब्ध डेटाको गुणस्तर, क्याम्पेनको परिणाम तथा प्रयोगकर्ताले प्लेटफर्मलाई कति अपनाउँछन् भन्ने कुराबाट देखिनेछ।
