बलिउड ब्याड ब्वाई सलमान खानको इदका अवसरमा रिलिज हुन लागेको फिल्म ‘किक’को ट्रेलरले इन्टरनेटमा तहल्का मच्चाइदिएको छ। ट्रेलर रिलिज भएको ४८ घण्टा बित्न नपाउँदै ट्रेलर हेर्नेको संख्या ४३ लाख भन्दा बढी पुगिसकेको छ।
समाचार अनुसार सलमानले मुम्बईको सिंगल स्क्रिन थिएटर गैटी ग्यालेक्सीमा आइतबार ट्रेलर सार्वजनिक गरेका थिए। ट्रेलरमा सलमानलाई एक्सन अवतारमा प्रस्तुत गरिएको छ।
साजिद नाडियाडवालाद्वाराज्ञ निर्देशित फिल्ममा सलमानका अलावा ज्याकुलिन फर्नान्डेज, रणदीप हुड्डा, नवाजुद्धीन सिद्धीकी र मिथुन चक्रवर्तीलगायतले अभिनय गरेका छन्। फिल्म जुलाई २५ मा रिलिज हुँदैछ।
