बेनिशा कसलाई भन्दैछिन् ‘मनको घाउ निको पार्ने मलम हौ तिमी’….

गायक लक्ष्मण श्रीको स्वर रहेको ‘मनको घाउ निको पार्ने मलम हौ तिमी’ बोलको गीतको म्युजिक भिडियो सार्वजनिक गरिएको छ। यो गीत लक्ष्मण श्रीको नयाँ एल्बम ‘रचना’ मा समावेश रहेको छ। गीतमा मिलन बस्नेतको शब्द र बीबी अनुरागीको संगीत छ। सार्वजनिक यस गीतको म्युजिक भिडियोलाई अर्जुन तिवारीले छायांकन गरेका छ्न भने भिडियोमा लक्ष्मण श्री र नायिका बेनिशा हमालको अभिनय रहेको छ। विकाश दाहालको सम्पादन रहेको यस गीतको भिडियोलाई निशान घिमिरेले निर्देशन गरेका हुन्।