के गर्न सक्छिन् प्रजिता ?

काठमाडौं । अष्ट्रेलियामा बसेर पनि नेपाली संगीतमा सक्रिय गायिका प्रजिता गेलालले ‘सक्दिन’ बोलको गीतको म्युजिक भिडियो सार्वजनिक गरेकी छन् । यो गीत उनको ‘प्रजिता(आइ एम ए ब्युटिफूल गर्ल)’नामक एल्बममा समेटिएको छ ।
गीतमा अभिनेत्री प्रियंका कार्की, मोडल दिलिप पोखरेल र विनोद मैनालीले फिचरिङ गरेका छन् । योगेन्द्र मणि दाहालको शब्द रहेको गीतमा शैलेश अधिकारीले संगीत भरेका छन् । निकेश खड्काले निर्देशन गरेको भिडियोमा निशान घिमिरेको सम्पादन र विदुर पाण्डेको छायांकन छ ।