दार्जिलिङ्गमा निर्देशक सुरज चन्दको ‘उफ यो मन्’

अनुराधा फिल्म्स इन्टरनेशनलको ब्यानरमा चलचित्र ‘उफ यो मन्’ निर्माण हुने भएको छ। फोटोग्राफर सुरज चन्दको निर्देशनमा चलचित्र निर्माण हुनलागेको हो। यो चलचित्रको छायाँकन दार्जिलिङ्गमा हुनेछ।

कलेज अद्ध्यनरत युवा पुस्ताको प्रेमकथामा निर्माण हुनलागेको यो चलचित्रमा सुरज गराज, रोहित रुम्बा, अमी दाहल्, समिता गिरि, दीपक छेत्री, हिरुका लामा लगायतका कलाकारहरुको अभिनय रहने छ।

छायाँकनकोलागि चलचित्र निर्माण युनिट भदौ २१ गते दार्जिलिङ्ग जान लागेको निर्देशक चन्दले बताएका छन्।

अनु शाहको लगानीमा निर्माण हुने यो चलचित्रलाई राजु विक्रम राणाले छायाँकन गर्नेछन्। अनुले एसअघि चलचित्र “भिमदत्त” मा लगानी गरेकी थिइन्। निर्देशक चन्दले यसअघि चलचित्र ‘लुट कंपनी’को निर्माण तथा निर्देशन गरेका थिए।