HORROR : 27 HOURS अफिसीयल ट्रेलर

प्रदर्शनको तयारीमा रहेको चलचित्र ‘ट्वेन्टी सेभेन आवर्स’को ट्रेलर सार्वजनिक भएको छ। चलचित्रमा समाबेस केही डरलाग्दा दृश्यहरुलाई ट्रेलरमा स्थान दिईएको छ। साइकोलोजिकल हरर र थ्रीलर चलचित्र ‘ट्वेन्टी सेभेन आवर्स’को यस्तिबेला पोस्टप्रोडक्सन भारतको हैदराबादमा भैरहेको छ। चैत्रमा रिलीजको तयारी गरिएको यो चलचित्रलाई दिपक लम्सालले निर्माण गरेका हुन्।

बुटवल , पाल्पा र भारतको मुम्बईमा छायांकन गरिएको यो चलचित्रमा दिपक लम्साल ,सिद्धु पुजारी ,सारिका घिमिरे,मधु घिमिरे लगायतको अभिनय रहेको छ। फोटोग्राफी पढ्नेहरुको अनुसन्धानका क्रममा २७ घण्टाभित्र घटेको घटनालाई चलचित्रले रमाईलो तर थ्रिलिंग ढंगबाट प्रस्तुत गरेको छ।

पछिल्लो समय नेपालमा हरर चलाचित्र बन्न नसकिरहेको अवस्थामा आधुनीक प्राविध प्रयोग गरि चलचित्र निर्माण गरिएको कारण चलचित्रलाई दर्शकले रुचाउने निर्माता तथा कलाकार दिपकले बताए।

साउथ इन्डियन निर्देशक अरविन्द एमले निर्देशन गरेका यो चलचित्रमा रिजन कोइरालाको संगित , वँशी अट्लुरीको सम्पादन , सचिन सतमको भिएफएक्स , सिध्धु पुजारीको कोरियोग्राफी, मुर्गान र पबनको छायँकन रहेको छ।