मेन्टलको रोमान्टिक गीत ‘काजल भएर ’ सार्वजनिक ( भिडीयो )

जेठ २१ गतेबाट प्रदर्शनमा आउने चलचित्र ‘मेन्टलको’ गति सार्वजनिक भएको छ । ‘काजल भएर ’बोलको उक्त गीतमा दुर्गा खरेलको र युवराज गुरुङको स्वर रहेको छ भने संगीत अर्जुन पोखरेलले दिएका छन् । गीतमा प्रथम खड्का र पुजा भट्टको अभिनय देख्न सकिन्छ ।

पढेलेखेको पागलको कथालाई समेटेर बनाइएको नेपाली कथानक चलचित्र ‘मेन्टल’ सरोज पौडेलको निर्देशनमा तयार भएके छ । उचित शिक्षा र योग्यता हुँदाहुँदै पनि देशको राजनैतिक उथलपुथलका कारण केहि गर्ने मौका पाउन नसकेपछि पागल बन्न पुगेका एक पात्रको कथा चलचित्रले बोल्नेछ ।

केहर सिंह भण्डारी, बसन्त बर्मा, हरी क्षत्री र सुदन धितालले निर्माण गरेको यस चलचित्रमा ‘प्रथम’ संगै पूजा भट्ट, सुरवीर पण्डित, दीपक श्रेष्ठ, लगायतको मुख्य भूमीका छ । अर्जुन पोखरेल र राजन मगरको सङ्गीत रहेको ‘मेन्टल’लाई राजेन्द्र सापकोटाले छायाँकन भने कथा भोजराज देवकोटाकोले तयार पारेका हुन् ।