चलचित्र “किङ्” निर्माण युनिटले छायाँकन गर्दैगर्दाको कुनै फोटोहरु सार्बजनिक गरेको थियन। यतिसम्म कि चलचित्रका कलाकारहरुलाई समेत छायाँकन स्थलमा फोटो खिच्न स्वीकृति दीइएको थियन। केहि दृश्यहरु छायाँकन गर्न बाँकि रहेको यो चलचित्रको प्रदर्शन मिति भने तय भएको छ। यो चलचित्र आसोज २१ बाट प्रदर्शनमा आउने भएको छ। अब भने चलचित्र युनिट प्रचार प्रसारमा उत्रिएको छ। यसैविच चलचित्रका केहि फोटोहरु निर्माण युनिटले मिडिया माझ सार्बजनिक गरेका छन्।
सार्बजनिक फोटोहरुमा नायक अनुप बिक्रम शाहीको हातमा नायिका बेनिषा हमालको फोटो देख्न सकिन्छ। तर बेनिषा भने नायक निखिल उप्रेती सँग रोमान्स गर्दै गरेको देखिन्छ। चलचित्रमा अनुप बिक्रम भिलेनको भूमिकामा देखिएका छन् भने निखिलले चलचित्रका लागि कपाल रंगाएका छन्। बेनिशा भने रोमान्टिक मुड मा देखिएकी छिन्।
भिडियो स्लाईडमा हेर्नुहोस् चलचित्रका तस्विरहरु
साविर श्रेष्ठको निर्देशनमा निर्माण भएको यो चलचित्र एक्न्सन प्रधान भएको बताइएको छ। जगन श्रेष्ठको प्रस्तुतिमा बनेको यो चलचित्रमा जयन श्रेष्ठले लगानी गरेका छन्। चलचित्रमा रोशन श्रेष्ठको एक्सन, दिनेस सुनाम र बसन्त सापकोटाको संगीत, र रामजी लामिछानेको कोरियोग्राफी छ।
