क्यारेङ ग्याङ रिटन्र्स निर्माण हुने

करिब सात वर्ष अघि निर्माण भएको चलचित्र ‘क्यारेङ ग्याङ’ को सिक्वेल ‘क्यारेङ ग्याङ रिटन्र्स’ निर्माण हुने भएको छ। मधु क्षेत्री र लिजा तामाङले यो चलचित्र निर्माण गर्न लागेका हुन्। चलचित्रमा राजु लामाको कथा र निर्देशन रहनेछ। लिजा लक्ष्मी मुभीको छैटौ प्रस्तुतीका रुपमा निर्माण हुन लागेको यो चलचित्रमा अजु लामा नयाँ गेट अपमा देखिन लागेको निर्देशक राजु लामाले बताएका छन्।

यो चलचित्रमा लक्ष्मी खड्का तामाङको संवाद / पटकथा, राजु किरातको द्वन्द रहने छ। सारीका घिमिरे, अजु लामा, सन्ध्या महर्जनको मुख्य भुमिकाकालागि पक्का भइसकेका छन् भने राजेश हमालको पनि यो चलचित्रमा अभिनय रहने लगभग पक्का भईसकेको बताईएको छ।

चलचित्रमा ५ गीत समावेश गर्न लागिएको छ। ‘भ्याकेन्सी खाली छ…..’, ‘दिल मायासाग दिल छैन…’ र ‘रातो भाले…’बोलको गीतहरु रेकर्ड भईसकेका छन्। माण्डवी क्रिपाठी, सञ्जु अमात्य, र मेलिना राईको स्वर, सञ्जु प्रलाद र गणेश सुवेदीको गीत, प्रलाद भक्त संग्रौला, राजीव शाह र दीपक रमणको संगीत रहेको छ। चलचित्र मंसिरबाट फ्लोरमा जाने जानकारी दीइएको छ।