नम्रता श्रेष्ठ र कोसिस क्षेत्रीको लीड रोलमा सस्पेन्स-थ्रीलर ‘पर्व’ निर्माणको घोषणा

टीभी फिल्मीको प्रस्तुती र सुवास इन्टरटेन्मेन्टको सहकार्यमा चलचित्र ‘पर्व’ निर्माणको घोषणा भएको छ। चलचित्रमा नम्रता श्रेष्ठसँग ‘मोक्ष’ फेम कोशिश क्षेत्रीले जोडी वाँध्ने भएका छन्। अन्य कलाकारहरुमा श्रीयन्स तिमिल्सिना, अमितेष शाह, प्रिया रिजालको पनि मुख्य भूमिका रहनेछ।

एउटा पर्वमा घटेको घटनापछि एक पात्रले आफ्नो व्यक्तिगत सन्तुष्टीका लागि गर्ने क्रियाकलापलाई सस्पेन्स शैलीमा चलचित्रमा प्रस्तुत गरिने बताईएको छ। दिनेश राउतले निर्देशन गर्ने चलचित्रमा सुवास गिरी र निकिता पौडेलको लगानी गरेका छन्।

यो चलचित्रमा कोशिश क्षेत्रीको कथा, हिमाल केसीको द्धन्द निर्देशन र कविराज गहतराजको नृत्य नृत्य निर्देशन रहनेछ भने चलचित्रमा कोशिश क्षेत्री र राजन राज सिवाकोटीको संगीत, दिनेश राउत र सिवाकोटीकै शब्द छ। निश्चल बस्नेत, मिना निरौला, केतन क्षेत्री र राजनराज सिवाकोटीले गीतमा स्वर दिनेछन्।