टीकापुर र धनगढीको बीचमा पर्ने बौनिया गाउँमा जन्मिएकी अश्लेषा ठकुरी नेपाली चलचित्रकी नया अनुहार हुन्। उनले अभिनय गरेको पहिलो चलचित्र ‘प्रेमगीत–२’ प्रदर्शन को तयारीमा नै छ, तर चलचित्र क्षेत्रमा उनको चर्चा तथा खोजी शुरु भैसकेको छ।
नेपाल, थाइल्यान्ड तथा म्यान्मारमा सुटिंग गरिएको ठूलो बजेटको उक्त चलचित्रमा अश्लेषाले प्रदीप खड्का सँग अनस्क्रिन रोमान्स गरेकी छिन्। साउन १३ गते उक्त चलचित्र प्रदर्शन भएपछि आफू चलचित्र क्षेत्रमा स्थापित हुने आशा अश्लेषालेको छ।
५ फिट ५ इन्च अग्ली अश्लेषा सोसल वर्क विषयमा स्नातक दोस्रो वर्षमा अध्ययरत छिन्। चलचित्रमा आउनुअघि उनले सुनिल पोखरेल सँग करिब छ महिना थिएटर सम्बन्धी प्रशिक्षण लिएकी थिइन् भने वीरेन्द्र हमाल सँग अभिनय कौशल सम्बन्धी प्रशिक्षण लिएकी थिइन्। पोखरेलले निर्देशन गरेका केही नाटकमा अभिनय समेत गरेकी अश्लेषाले ‘प्रेमगीत–२’ मा अनुबन्धित भएपछि नृत्यको प्रशिक्षण समेत लिइन्।
नायिका अस्लेशा ठकुरीको फोटो ग्यालरी हेर्न यहाँ क्लिक गर्नुहोस्
परिवारका अधिकांश सदस्य विदेशमा रहेकाले अश्लेषा फुर्सद हुने बित्तिकै नेपाल बाहिर पुग्छिन्। बुवा शाकाहारी भएकाले सानै उमेरदेखि उनी पनि शाकाहारी हुन्। सामाजिक कार्यमा रुचि राख्ने अश्लेषालाई यतिबेला विभिन्न निर्माता–निर्देशकले आफ्ना चलचित्रका लागि प्रस्ताव गरिरहेका छन्।
एउटा हिन्दी चलचित्र सहित चारवटा नेपाली चलचित्रबाट अभिनयको प्रस्ताव पाएकी अश्लेषा यतिबेला तीमध्ये एउटा नेपाली चलचित्रको स्क्रिप्ट अध्ययन गरिरहेकी छिन्। आफूलाई फिट राख्न नियमित जिमखाना धाउने अश्लेषा शारीरिक व्यायामले सुन्दरतासमेत वृद्धि हुने कुरा बताऊँछिन्।
