गत वर्ष आसुसेन फिल्म्सले आफ्नो फिल्म ‘प्रेम गीत’ को टाईटल गीत “म यस्तो गीत गाउँछु जुन प्रेम गीत बनोस्” को कभर सङ्ग कम्पिटिसन गरेको थियो र विजेतालाई १ लाख रुपिंय नगद पुरस्कार सहित प्रडक्सन कम्पनिको अर्को फिल्ममा गीत गाउने अवसर दिने घोषणा गरेको थियो। सोहि अनुरुप गत वर्षको कभर सङ्ग कम्पिटिसनमा बिजयी भएका सागर संसार राईलाई नगद पुरस्कार सहित ‘प्रेम गीत २’ को लागी गीत रेकर्ड गराईएको छ।
सागर संसार राईको एकल आवाज रहेको गीतम युवा संगीतकार एलिस कार्कीको संगीत र मनिशा खड्काको शब्द छ। ‘प्रेम गीत २’ मा शमावेश यो गीतको सुटिंग केहि समय अघि म्यानमार र थाईल्याण्डमा गरिएको छ।
आसुसेन फिल्मसले यो वर्ष पनि ‘प्रेम गीत२’ मार्फत विस्वब्यापी कभर सङ्ग प्रतियोगिताको आयोजना गर्ने जानकारी दिएको छ। यो वर्ष एक महिला र एक पुरूष गरी दुइ जना बिजेता छानिने र उनिहरूले पनि जनही नगद रू.१ लाख पुरस्कार सहित कम्पनीको आगामी चलचित्रका लागि गीत गाउने मौका पाउनेछन।
प्रेम गीत गत वर्षको सर्वाधिक सफल चलचित्र हो। यो फिल्मको सिक्वेल ‘प्रेम गीत २’ को सुटिंग म्यानमार, थाईल्याण्ड र नेपालका काठमाण्डौ, पोखरा, लुम्बिनी, सुर्खेत, कालिकोट, जुम्ला र राराताल, ताल पारीको गाउ मुर्मा लगाएत विभिन्न स्थानहरुमा गरिएको छ। सन्तोष सेनले निर्माण गरेको यो सिक्वेलमा प्रदिप खड्का र अस्लेशा ठकुरीको मुख्य भूमिका छ। फिल्मलाई राम शरण पाठकले निर्देशन गरेका हुन्।यो चलचित्र आउँदो साउन १३ बाट सिनेमा भवनहरुमा प्रदर्शन हुनेछ।
ACTRESS AASLESHA THAKURI PHOTO GALLERY
