पीएसवाईको ‘गङनम स्टाइल’ले यूट्युबमा सर्वाधिक हेरिएको भिडियोको उपाधी गुमाएको छ। दक्षिण कोरियाली मेघाहिटले विगत ५ वर्ष देखि उक्त उपाधी आफ्नो कब्जामा राखेको थियो। गङनम स्टाईलको म्युजिक भिडियो यति धेरै चर्चित भएको थियो कि त्यसले युट्युबको प्ले काउन्टर २ अर्ब १४ करोड ७४ लाख ८३ हजार ६ सय ४७ लाई नै मात खुवाइदिएको थियो । तत्पश्चात युट्युबले पुन: आफ्नो काउन्टर कोड लेख्नु परेको थियो।
अब उक्त भिडियोको रेकर्डलाई विज खलिफा र चार्ली पुथको ‘सी यू अगेन’ ले उछिनेको छ। मर्मस्पर्शी गीत हाल युट्युबमा २ अर्ब ९० करोड ४६ लाख २२ हजार ६ सय ८६ पटक (समाचार बनाउँदासम्म) हेरिएको छ।
यो भनेको एक व्यक्तिले लगातार सुने पनि २१ हजार ७ सय ५९ वर्षसम्म यो गीत सुन्नुपर्छ। यो गीत एक्सन फिल्म फ्युरियस ७ का लागि सडक दुर्घटनामा ज्यान गुमाएका कलाकार पाउल वकरलाई समर्पित गर्दै क्लोजिङ क्रेडिटका लागि बनाइएको हो। यो गीत सन् २०१५ मा विश्वभर सबैभन्दा बढी विक्री भएको गीत हो भने ओस्कार र ग्राम्मीमा पनि मनोनयनमा परेको थियो।
यद्यपी यो गीतले सर्वाधिक हेरिएको गीतको पगरी भने धेरै सयम लगाउन नपाउने देखिन्छ। यो गीतलाई लुइस फोन्सीको ‘डिस्पाचियो’ले पछ्याइरहेको छ। सो गीत पनि युट्युबमा साढे २ अर्ब बढी पटक हेरिएको छ। जसको दर्शक दिनानुदिन बढिरहेका छन्। – बिबिसी
