झुल्किए रमेश उप्रेती । हेर्नुहोस् फिल्म ‘ऐश्वर्य’को मनै लोभ्याउने गीत

लामो समयको अन्तरालपछि नायक रमेश उप्रेती पुन: झुल्किएका छन्। रमेश अभिनित नयाँ फिल्म ‘ऐश्वर्य’को राजधानीमा एक कार्यक्रमको आयोजना गर्दै पोस्टर र गीत सार्बजनिक गरिएको हो।

‘तिमी रोएको पल’ बोलको गीतको भिडीयोमा रमेश आकर्षक रुपमा प्रस्तुत भएका छन्। हिमाली भेगको मनोरम दृश्यलाई समेटेर खिचिएको गीतको भिडियोमा रमेश सँग नवनायिका दीपीका प्रसाईंको जोडी जमेको छ। अर्जुन पोखरेल र विराज गौतमले संगीत भरेको गीतमा सुगम पोखरेल र अञ्जु पन्तको स्वर सुन्न सकिन्छ।

‘तिमी रोएको पल’ – भिडियो हेर्न यहाँ क्लिक गर्नुहोस्

वैष्णुदेवी फिल्म्सको ब्यानरमा बनेको फिल्मलाई नव निर्देशक दिवाकर भट्टराईले निर्देशन गरेका हुन्। किरण राणा उप्रेती र अर्जुन श्रेष्ठले संयुक्त रुपमा लगानी गरेको फिल्मलाई कलाकार निर्मल शर्माले लगानीमा सहकार्य गरेका छन्।

कार्यक्रममा बोल्दै नायक उप्रेतीले लामो समयको प्रयासपछि फिल्म निर्माण गरेको र फिल्मको रिलिजलाई लिएर आफु उत्साहित रहेको बताए।

केकी अधिकारी, केशव भट्टराई, अर्जुन श्रेष्ठ, निर्मल शर्मा, तेन्जु योन्जन, अर्जुन जंग शाही, विकास खतिवडा, सुनिता ठाकुर, अमित पोखरेल, कृष्ण खतिवडालगायतका कलाकारले यो फिल्ममा अभिनय गरेका छन्। फिल्ममा रामजी लामिछाने, एन्जिला खत्री तथा तेन्जु योञ्जनको कोरियोग्राफी, सुदिप बरालको छायांकन, दीर्घ खड्काको सम्पादन तथा हिमाल केसीको द्वन्द्व छ। फिल्म कात्तिक २ गते बाट अल नेपाल रिलिज हुँदैछ।