प्रदर्शनको तयारीमा रहेको नेपाली चलचित्र ‘शिरफूल’को शीर्ष गीत ‘शिरैमाथि शिरफूल’ लाई दर्शक स्रोताले रुचाएका छन्। निर्देशन कमल एक्चै मगरले निर्देशन गरेको यो चलचित्रको गीतको भिडियोमा नायिका मरिष्का पोखरेल फिचर गरिएको छ। गीतमा देवराज आले मगर र तारा श्रीस मगरको स्वर, राजु थापाको शब्द र देवराज आलेमगरको संगीत सुन्न सकिन्छ।
मगरस क्रियशन इन्भेष्टमेन्ट कम्पनी र पर्फमिङ आर्ट क्रियशनको संयुक्त प्रस्तुतिमा निर्माण भएको यो चलचित्रको निर्माता आर्शिवाद पुन मगर हुन्। विभिन्न देशहरुमा च्यारिटिको अन्तिम तयारीमा रहेको ‘शिरफूल’ले स्वदेशको प्रदर्शन मिति छिट्टै प्रत्रकार सम्मेलन गरि जानकारी दिने निर्देशक मगरले बताएका छन्।
बढ्दो आधुनिकताको प्रभावसँगै युवापुस्तामा देखिएको विविध खाले विकृतिलाई उजागर गर्दै त्यसको निराकरण पहिल्याउन सहयोग पुग्ने विषयवस्तु, विशेषगरी नयाँ पुस्तामाझ प्रेम, मौलिकता तथा कला संस्कारलाई फेसनका रुपमा लिने चलनको बढ्दो विकृतिसँगै यसबाट समाजमा देखिएको नकारात्मक प्रभावको चित्रण गरिएको चलचित्र शिरफुल नेपाली दर्शंकको लागि एक उत्कृष्ट मौलिक चलचित्र बनेकोले दर्शकहरुले मन पराउने विश्वास निर्माताले लिएका छन्।
