अम्बिकाको शब्दमा ईन्दिरा जोशीको नयाँ पप गीत

गायिका ईन्दिरा जोशीको बिल्कुलै नयाँ पप गीतको म्युजिक भिडियो सार्वजनिक भएको छ। अमेरिका निवासी गीतकार अम्बिका गुरुङका रोमान्टिक शब्दहरुको उक्त गीतमा संगीतकार महेश ज्ञवालीको कर्णप्रिय संगीत समावेश छ। शैलेन्द्र बाबु प्रधानद्वारा संगीत संयोजन गरिएको उक्त गीत रेबल स्टुडियोमा रेकर्ड गरिएको हो। अमेरिकाका आकर्षक लोकेशनमा छायांकन गरिएको उक्त भिडियोको निर्देशन अमेरिकामा नै रहेका अनिशा के क्षेत्रीले गरेकी हुन्। भिडियोमा दीप गुरुङ तथा सुनिक्षा मैनालीले अभिनय गरेका छन्। सुशिल न्यौपानेद्वारा सम्पादन गरिएको उक्त भिडियोलाई टकिज प्रो र रचना पाण्डे जाफरले छायांकन गरेका हुन्। मधु ज्ञवालीको संयोजनमा तयार पारिएको उक्त भिडियोलाई एशियन म्युजिकको यूट्युब च्यानलबाट सार्वजनिक गरिएको हो।