सम्राज्ञी सँग आकाशको रोमान्टिक पल – ‘तिमि सँग’ टाईटल गीत

२३ चैतमा रिलिज हुने फिल्म ‘तिमी सँग’ को राजधानीमा एक कार्यक्रमका बिच शिर्ष गीत ‘पाईला बनु छाँया बनु तिमी सँग…’ रिलिज गरिएको छ। यो गीतमा लेखु सहयात्रीको शब्द र राहुल मुखर्जीको संगीत छ। शिशिर खातीको कोरियोग्राफी रहेको गीतमा मधुरा भट्टचार्य र राहुल मुखर्जीको आवाज रहेको छ।

यो फिल्मको यसअघि सार्बजनिक भईसकेको ट्रेलर र गीतले राम्रो प्रतिक्रिया पाइरहेको छ। फिल्मको प्रदर्शन मिती नजिकिदै गर्दा यो गीतले चलचित्रलाई झन् उर्जा थप्ने निर्माण पक्षको विश्वास छ। साम्राज्ञी राज्यलक्ष्मी शाह, आकाश श्रेष्ठ र नाजिर हुसेन यो फिल्मका मुख्य कलाकार हुन्। निर्देशक शिशिर राणा पनि मुख्य भूमिकामा छन्। फिल्मको कथा तथा निर्माण पनि निर्देशक राणाकै हो।