फिल्म ‘गरुड पुराण’को केहि दिन अघि मात्र पोस्टर सार्वजनिक गरिएको थियो। निर्माण टिमले फिल्मको गीत पनि सार्वजनिक गरेको छ। ‘म त पिरिममा’ बोलको गीतको भिडियोमा निश्चल बस्नेत, कर्मा शाक्य, प्रियंका सिंह ठकुरी र अन्जली योञ्जन फिचर्ड गरिएको छ। पारिवारिक प्रेमकथामा आधारित फिल्मलाई सुवास कोइरालाले निर्देशन गरेका हुन्।
दिनेश राउतको शब्द तथा कोसिस क्षेत्रीको संगीत रहेको गीतमा कोसिस र मनिषा पोखरेलको स्वर सुन्न सकिन्छ। गीतको भिडियोमा रेनाशा वान्तवा राईको कोरियोग्राफी छ। फिल्ममा सुसन प्रजापतिको छायाँकन र उज्ज्वल ढकालको सम्पादन छ। यो फिल्म माघ ४ गते बाट प्रदर्शनमा आउदैछ।
