अक्षय कुमारको कुकुर प्रेम

बलिउड अभिनेता अक्षय कुमार फिल्मको सुटिङस्थलमा निकै रमाइलो गर्छन् । उनी जति रमाइलो गर्छन्, त्यो भन्दा बढी गम्भीर भएर काम पनि गर्छन् । उनको बारेमा एकपटक नायिका क्याट्रिना कैफले भनेकी थिईन्,‘ अक्षय र म एकै किसिमका छौं । हामी सेटमा फ्रेण्डली रहन्छौं, खुबै मस्ती गर्छौ र जब फिल्मको प्याकअप हुन्छ सिधैं आफ्नो घर जान्छौं ।’

तर अहिले अक्षयले क्याट्रिना भन्दा पनि नयाँ साथी भेटेका छन् । जोसँग अक्षय सुटिङ पछि समय बिताउने गर्दछन् । अक्षय उनको आगामी रिलिज हुन लागेको फिल्म ‘इट्स इन्टरटेनमेन्ट’को कुकुरसँग उनले दिन बिताउन थालेका छन् । ‘ यो कुकुरको नाम फिल्ममा इन्टरटेनमेन्ट नै रहेको छ, सुटिङको समयमा हामी निकै मिल्ने साथी बनेका थियौं र सधैं भरी रहनेछौं । हामी अब फिल्मका कलाकार होइन, जबकी साथी पनि हौं । सुटिङको ब्रेकको समयमा उसले आफ्नो पेटमा मलाई सुत्न दिन्छ ।’ अक्षयले भनेका छन् ।

अक्षयले यस किसिमको कुकुर हरेक मानिसको घरमा हुनुपर्ने सुझाव दिएका छन् । ‘मुम्बईमा भएको मेरो घरमा २ जर्मन शेफर्ड कुकुर छन्, जसको नाम इबपथ र ऋष्यि हो । गोवामा रहेको घरमा पनि एक गोल्डन लेब्राडोर छ ।’ अक्षयले उल्लेख गरेका छन् ।