ग्ल्यामर नेपाल, काठमाडौं ।
आगामी मंसीर ५ गतेबाट प्रदर्शनमा आउन लागेको फिल्म ‘श्री ५ अम्बरे’को आइटम गीत ‘नाँच्ने नचाउने’ सार्वजनिक भएको छ । सरिता वली र रत्न सुब्बाको स्वर रहेको गीतमा नायिका रिया श्रेष्ठको हट नृत्य हेर्न पाइन्छ ।
आफ्नो क्षेत्रमा राजा बन्न चाहने एक युवाको कथालाई प्रस्तुत गरिएको फिल्मकी निर्देशक दीपा बस्नेत हुन् । जीवनसाथी फिल्मस्को व्यानरमा निर्मित फिल्ममा टीएन आचार्य र दीपक आचार्यको लगानी रहेको छ । यो गीतमा बाबु बोगटीको संगीत र शिव विकको कोरियोग्राफी रहेको छ ।
अभिमन्यु निरवीको कथा र पटकथा रहेको फिल्ममा सौगात र प्रियंकाबाहेक केकी अधिकारी, विक्रम सिंह, यम बुद्ध, मार्टिन खान, राज गद्धाली, लोकमणि सापकोटा, निरु खड्कालगायतका कलाकारले अभिनय गरेका छन् । फिल्ममा बसन्तसँगै कालीप्रसाद बास्कोटा, यमबुद्ध र बाबु बोगटीको संगीत, योगेन्द्र श्रेष्ठको द्वन्द्व, शिव विक, नरेश वीर सिंह र निर्मल लामाको कोरियोग्राफी र गणेशकुमार श्रेष्ठको छायांकन रहेको छ ।
