आर्यन र नम्रताबीच फेरि रिल रोमान्स

ग्ल्यामर नेपाल ।
आर्यन सिग्देल र नम्रता श्रेष्ठ नेपाली फिल्मका हिट अनस्क्रिन जोडी हो। दुवै क्युट लुक्सका भएकोले पनि सहरिया प्लस टु पुस्तामाझ निकै लोकप्रिय छन्। यो जोडीले रोमान्स गरेको पहिलो फिल्म ‘मेरो एउटा साथी छ’ युवापुस्तालाई हलसम्म तान्न सफल भएको थियो। यो फिल्म रिलिज भएको झण्डै चार वर्षपछि गत वैशाखमा आर्यन र नम्रता अभिनित दोस्रो फिल्म ‘नोभेम्बर रेन’ सार्वजनिक भयो। प्रेमकथामा आधारित यो फिल्ममा आर्यनले लगानी गरेका थिए। फिल्मले मिश्रित प्रतिक्रिया पायो भने लगानी पनि रिकभर गर्‍यो। ‘मेरो एउटा साथी छ’ जस्तै यो फिल्म पनि युवापुस्तामाझ निकै हिट भयो।

सादय बढ्दो क्रेजका कारण हुनुपर्छ, यो जोडीको रिल रोमान्स फेरि देख्न पाइने भएको छ। फिल्म हो, ‘क्लासिक’। निर्देशक हुन्, दिनेश राउत। ‘नोभेम्बर रेन’लाई पनि दिनेशले नै निर्देशन गरेका थिए। उनले आर्यन र नम्रताको जोडी दोह्रोउने करिब पक्का भएको बताए। हाल प्रि–प्रोडक्सनमा रहेको यो फिल्म प्रेमकथा भन्ने छ। विवाहित आर्यन र अविवाहित नम्रताको रिल रोमान्स कतिको रुचाइने हो ? प्रतिक्षाको विषय बनेको छ।