खुल्ने भयो रोमान्स किंग भुवनको सुन्दरी मोह रहश्य

ग्ल्यामर नेपाल, काठमाडौँ ।
अभिनेता भुवन केसीका फ्यानहरुलाई खुशीको खबर। भुवन केसीको अटोवायोग्राफी (आत्मकथा) लाई अब पाठकहरुले पढ्न पाउँने भएका छन्। सोमवार राजधानीमा आयोजित कार्यक्रममा भुवनको आत्मकथा तयार भएको जानकारी दिईएको छ। भुवनको आत्मकथालाई घोष्ट राइटिङ नेपालले प्रकाशन गर्न लागेको हो। कार्यक्रममा प्रकाशकले आत्मकथा प्रकाशन गर्न सहमति भए वापत २ लाख ३५ हजार रोयल्टी समेत भुवनलाई प्रदान गरेको छ।
संचारकर्मी तथा घोष्ट राइटिङ नेपालका संस्थापाक कमल ढकालले भुवनको आत्मकथालाई लेखेका हुन। कार्यक्रममा बोल्दै कमलले भने – “युवतीहरुका कारण भुवन जी सधै चर्चामा रही रहनु हुन्छ तर किन युबतीहरु संग मात्र भुवनजी को नाम जोडिएर आउँछ भन्ने कौतुहलतालाई उजागर गर्ने प्रयाश गरेको छु।” आत्मकथामा भुवनको बाल्यकालदेखि पछिल्लो दोश्रो संविधानसभा निर्वाचन सम्मको प्रसंगहरु लेखिएको कमले बताए।
भुवनले एक दशकको सांगितिक यात्रा र तिन दशकको फिल्मी यात्रा सहित बालापनको कथालाई आत्मकथामा प्रस्तुत गर्न कुनै कसर बाँकि नराखेको बताए। कार्यक्रममा भुवनको आफ्नी ७२ बर्षीया आमा विन्दूको पनि उपस्थिति थियो। उनले आमाको ७३औँ जन्मदिन (२०७१ चैत्र २२ गते) का दिन आफ्नो आत्मकथा सार्वजनिक गर्ने बताएका छन्।

रोमान्स किंङ भुवनको सुन्दरी मोह तस्विरहरु हेर्नुहोस् – click here