निर्देशकको जन्मदिनको अवसरमा फिल्म 'होलिडे' घोषणा । सम्पूर्ण छायाँकन युरोपमा हुने

निर्देशक बसन्त निरौला को ३१औ जन्मदिन मा नयाँ फिल्म ‘होलिडे’ घोसणा ।
बसन्त निरौलाले फिल्म ‘विजयपथ’बाट निर्देशकका रुपमा डेब्यु गरेका हुन्।
उनले निर्देशन गरेको दोस्रो फिल्म ‘राजनीति’ प्रदर्शन भईसकेको छ भने तेस्रो फिल्म ‘आवेग’ को पोस्ट प्रोडक्सन हुँदै छ।
उनको नयाँ फिल्म ‘होलिडे’ को गीत रेकर्डिङ शुरु भएको छ।
नयाँ फिल्म ‘होलिडे’ को सम्पूर्ण छायाँकन युरोपमा हुने।

फिल्म ‘विजयपथ’बाट निर्देशकका रुपमा डेब्युका निर्देशक बसन्त निरौलाले आफ्नो ३१ औं जन्मदिनको मौका पारेर नयाँ फिल्म ‘होलिडे’को घोषणा गरेका छन्। यस अघि प्रदर्शनमा आईसकेको बसन्त निरौला निर्देशित दोस्रो फिल्म ‘राजनीति’मा सञ्चारकर्मी तथा लोकगायिका कोमल वलीलाई नेतृको भूमिकामा अभिनय गराएर उनले निकै चर्चा कमाएका थिय। बसन्तले निर्देशन गरेको तेस्रो फिल्म ‘आवेग’ हाल पोष्ट प्रोडक्सनको चरणमा छ।

उनले अहिलेका व्यस्त युवा संगीतकार टंक बुढाथोकीले मंगलबारबाट निजी लगानीमा सञ्चालनमा ल्याएको रेकर्डिङ स्टुडियो ‘स्टुडियो नाईन’मा ‘होलिडे’को गीत रेकर्डिङसागै फिल्मको घोषणा गरे। टंकको आफ्नै संगीत रहेको ‘शनिबारको छुट्टीमा मेहनत गरेर’ बोलको गीतमा टंक र मनिषा पोखरेलले स्वर दिएका छन्।

फिल्म र निर्देशकलाई शुभकामना दिन स्टुडियोमा बरिष्ठ निर्देशक तथा कलाकर रमेश बुढाथोकी, अभिनेता आर्यन सिग्देल, अभिनेत्री सञ्चिता लुईंटेल, नायिका पबित्रा आचार्य, अभिनेता सोहित मानन्धरलगायतका संगीतकर्मी र फिल्मकर्मी पुगेका थिए।

निर्देशक निरौलाका अनुसार फिल्मका लागि कलाकार फाइनल भईसकेका छैनन्। ‘फिल्मको सम्पूर्ण छायांकन युरोपमा हुनेछ, मेरो हरेक प्रोजेक्ट दर्शकको भावना बुझ्ने हुन्छन र हुनेछन्,’निर्देशक निरौलाले दाबी गरे, ‘होलिडे पनि पुर्णत मनोरञ्जनको खुराक बन्नेमा दुई मत छैन्।’ फिल्म लभ स्टोरी र थ्रिलर फ्लेबरको हुनेछ।