अनमोल केसी बने निर्माता । चलचित्रलाई श्री राम महतले निर्देशन गर्ने

करिव चार वर्षको अन्तराल पछि नेपाली फिल्मीक्षेत्रमा पुनरागमन गर्न लागेकी अभिनेत्री सुस्मिता बम्जनले अनमोल क्रियशन ब्यानरमा चलचित्र ‘म त तिम्रै हुँ’ निर्माण गर्ने भएकी छन। चलचित्रलाई नायक अनमोल केसी को लगानीमा निर्माण गर्न लगिएको हो। निर्माता बनेका अनमोल भने चलचित्रमा देखिने छैनन्। चलचित्रलाई थुप्रै डकुमेन्ट्री फिल्महरु निर्माण, निर्देशन, सम्पादन तथा छायाँकन गरिसकेका श्रीराम महतले निर्देशन गर्दैछन। महतले पहिलो पटक ठुलो पर्दा को फिल्म निर्देशन गर्न लागेका हुन्। महतले पछिल्लो समय रेखा थापा अभिनित चलचित्र “दमदार” को सम्पादन कार्य गरेका थिय।

सुष्मिताकै कथामा निर्माण हुने चलचित्रमा सुस्मिताको पनि मुख्य भूमिका रहनेछ भने पौल शाह, प्रशान्त ताम्रकार र नव कलाकार जीवन भट्टराईले अभिनय गर्ने बताईएको छ। कृष्ण आचार्यको पटकथा एवं संवाद रहेको चलचित्र पारिवारीक कथावस्तुमा आधारित रहेने छ। पछिल्लो समय सुस्मिताले पुर्व पति भुवन केसीको फिल्म ‘साथी म तिम्रो’ को कथा लेखेकी थिइन्। चलचित्रमा सुष्मिता पुर्व पति भुवनको कुनै भूमिका नरहने बताईएको छ। अनमोल लाई लिएर भुवनले आफ्नै निर्देशनमा केहि समय अघि मात्र चलचित्र ‘ड्रिम्स’ को छायाँकन सकाएका छन्।

भदौको अन्तिम साता देखि फ्लोरमा जाने चलचित्रमा हर्क्यूलस बस्नेतको संगीतमा पाँच वटा गीतहरु रहनेछन्। दिल्ली, सिलगुडी, इलाम, पोखरा, काठमाण्डू लगायत क्षेत्रमा चलचित्रको छायाँकन हुने बताईएको छ।