नायिका नम्रता श्रेष्ठ पनि अव गायिका

गायिका मेलिना राइको आवाजमा समावेश ‘प्रकृतीका सुन्दर’ बोलको गीतलाई नायिका नम्रता श्रेष्ठले कभर सङ्का रुपमा गायकी छिन्। चलचित्र ‘क्लासिक’मा समावेश यो गीतलाई दर्शकले पनि खुबै रुचाए। अन्य केही नायिकाहरुले पनि कभर सङ् गाइरहेको समयमा नायिका नम्रता पनि कभर सङ् गायिका बनेकी हुन्। गीतमा रोहित जोन क्षेत्रीले साथ दिएका छन्।

डाक्टर कृष्णहरि बरालको शब्दमा तयार भएको यो गीतलाई नम्रताले आफ्नै शैलीमा गाएकी छिन्। यो गीत गाएर नम्रताले आफू पनि गायिका बन्ने छनक देखाएकी छिन्।

माघ २९ गतेबाट प्रदर्शनमा आएको यो चलचित्र आजबाट तेश्रो सातामा प्रवेश गरेको छ। केही दिन अगाडि मात्र चलचित्रको टोली काठमाण्डौ बाहिरका हलमा पुगेर आएको थियो। आर्यन सिग्देल र नम्रता श्रेष्ठ मुख्य भूमिकामा रहेको यो चलचित्रलाई दिनेश राउतले निर्देशन गरेका हुन्।