चलचित्रमा ब्यस्त हुन थाले निखिल , किङ’को गरियो शुभ मुर्हत !

अभिनेता निखिल उप्रेती अब अर्को चलचित्र ‘किङ’मा देखिने भएका छन् । सोमबार राजधानीको भद्रकाली मन्दिरमा पुजा गर्दै शुभ साईत गरिएको चलचित्रमा किङमा निखिल अहिले सम्मकै फरक भूमिकामा देखिने निर्देशन सबिर श्रेष्ठ बताउछन् ।

चलचित्रमा निखिलको अपोजिटमा वेनिशा हमाल रहनेछिन् । जयन श्रेष्ठको लगानी रहने चलचित्र शुक्रबारबाट छायांकनमा जाने बताइएको छ । चलचित्रमा रामजी लामिछानेको नृत्य ,बसन्त सापकोटा, दिनेश सुनम र सुजेन्द्र कार्कीले संगीत रहनेछ ।

गतबर्ष चलचित्र ‘भरव’बाट अभिनयमा कमब्याक गरेका उनि पछिल्लो समय चलचित्रहरुमा निकै ब्यस्त छन् तर यसरी एकै बर्षमा धेरै चलचित्र खेल्नुलाई चलचित्रकर्मीहरुले भने राम्रो संकेत मानेका छैनन् त्यसैले धेरैको भनाई छ निखील सस्तो हुदै गैरहेका छन्  ।