‘लुकामारी’ : सुरविनालाई देखेपछि कर्माको यस्तो प्रस्ताव ( भिडियो )

चलचित्र ‘लुकामारी’ अषाढ १० गतेबाट प्रदर्शनमा आउने चलचित्र हो । चलचित्रको प्रदर्शन मिति नजिकिदै गएपछि यसको निर्माणपक्षले दोश्रो गीत सार्वजनिक गरेको छ । विकास सिलवाल र प्रविशा अधिकारीको स्वर, किरन बरालको शब्द, विकास सिलवालको संगीत यो गीतमा छ ।
भिडियोमा चलचित्रका मुख्य दुई कलाकार कर्मा र सुरविना कार्कीलाई फिचरिङ गरिएको छ ।

सुशन प्रजापतिले खिचेको यो गीतको कोरियोग्राफी रेनशा वान्तवा राइले गरेकी हुन् । चलचित्रमा सौगात मल्ल, कर्मा, विक्रम सिंह, सुरविना कार्की, रीस्ता बस्नेत, कृष्णभक्त महर्जन, जेवी डीसी आदिको मुख्य भूमिका छ । चलचित्रमा श्रीराम दाहालको कथा तथा निर्देशन छ । चलचित्रलाई सुरजमान सिंह भण्डारीले निर्माण गरेका हुन् ।