आकाश र ज्योत्सनाको ‘म त तिम्रै हुँ’ , यस्तो बन्यो फस्टलुक पोस्टर

 

चलचित्र ‘म त तिम्रै हुँ’ को फस्टलुक पोस्टर सार्वजनिक गरिएको छ । अभिनेत्री सुस्मिता केसीले निर्माण गरेको यो चलचित्रको फस्ट लुकमा चलचित्रका मुख्य नायक आकाश श्रेष्ठ र नायिका ज्योत्सना योगीलाई देख्न सकिन्छ । चलचित्रमा आकाश र ज्योत्सनाको अलावा सुस्मिता केसी सुशिल काफ्ले,, जीवन भट्टराई, अनुपम श्रेष्ठ, सुसन खड्का लगायतको मुख्य अभिनय रहेको छ ।

चलचित्रलाई श्रीराम महतले निर्देशन गरेका हुन् ।चलचित्रमा सौरभ लामाको छायांकन,कविराज गहतराजको नृत्य निर्देशन, हिमाल केसीको द्वन्द्व निर्देशन, हर्कुलिस बस्नेतको संगीत , कृष्ण आचार्यको पटकथा सम्वाद रहेको छ । श्रावण ७ गते बाट देशभर प्रदर्शनमा आउने यो चलचित्रमा सुवास थापाको समेत लगानी रहेको छ ।