‘द विनर’ वेस्टर्न शैलीको ट्रेलरमा हेर्नुहोस् लुजर र विनरको कथा

अष्ट्रेलिया, दुबई र नेपालका विभिन्न स्थानहरुमा छाँयाकन गरिएको चलचित्र ‘द विनर’को ट्रेलर युट्युब बाट सार्बजनिक भएको छ। केहि महिना अघि चलचित्रको टिजर र ‘परी’ बोलको गीत सार्बजनिक भएको थियो। सार्बजनिक टिजर र गीतले चलचित्रको चर्चालाई उकासेको छ। चलचित्रमा नव नायक महेशमान श्रेष्ठ र नायिका मलिना जोशी (पुर्ब मिस नेपाल) को मुख्य अभिनय रहेको छ।

वेस्टर्न शैलीमा निर्माण भएको चलचित्र ‘द विनर’ को ट्रेलरमा चलचित्रका नायक नायिका लगायत मुक्य कलाकारहरु रोयल मास्के, मन्चिन शाक्य, राजकुमार पन्त, रेशु तामाङ र अमित गिरीलाई हेर्न सकिन्छ। ट्रेलरमा सस्पेन्स, थ्रिलर र एक्सनलाई प्राथमिकता दिएको छ।

अष्ट्रेलियाका लागि चलचित्रको ओभरसिज राईट बिक्री भईसकेको छ। अन्य देशहरुकालागि समेत ओभरसिज राईट बिक्रीका लागि कुरा भईरहेको निर्माण पक्षले जानकारी दिएको छ।

अष्ट्रेलियामा भब्य रेड कार्पेट प्रिमियर गर्ने तयारी गरिरहेको चलचित्रलाई हिक्मत बिष्टले निर्देशन गरेका हुन्। अष्ट्रेलियन सिनेमेट्रोग्राफर एन्टोनी मिखो र नेपालका चर्चित सिनेमेट्रोग्राफर पुरुशोतम प्रधानले खिचेका यो चलचित्र डायमण्ड स्टार फिल्मसको ब्यानरमा सुबोध ठकुरी, बिकास खरेल, रितेश राणा, सृजना शाह, रोयल मास्केले संयुक्त रुपमा निर्माण गरेका हुन्।

चलचित्र ‘द विनर’ को आकर्षक ट्रेलर हेर्न यहाँ क्लिक गर्नुहोस्