दयाहाङ्गकी सोल्टीनीमाथी विजयको नजर

गायक विजय रुम्बा लामाको नयाँ गीत ‘सिन्की को अचार’को भिडियोमा नायिका रिश्मा गुरुङ्ले अभिनय गरेकी छिन्। उनको साथमा गायक रुम्बा आँफैले पनि अभिनय गरेका छन्। चलचित्र ‘कबड्डी’मा अभिनेता दयाहाङ्ग राईसँग सोल्टीनीको भूमिकामा अभिनय गरेर एकाएक चर्चामा आएकी रिश्मा लामो समयपछि भिडियोमा देखिएकी हुन्। विकास सुबेदीको निर्देशनमा बनेको भिडियोको छायांकन पर्यटकिय स्थान बन्दिपुरमा गरिएको हो।

गीतमा डिपि खनालका शब्द तथा सुबाश भुषालको संगीत छ। गीतका एरेन्जर उदय राज पौडेल हुन्। अनिल कुमार मानन्धरले खिचेको यस भिडियोका सम्पादक शिलन लम्साल हुन्।