मुख छोपी भन्दै आए किरण र जुनु [म्युजिक भिडियो]

गायक किरण भुजेल तथा गायिका जुनु राईको यूगल गीत ‘मुख छोपी…’ म्युजिक भिडियो रिलिज गरिएको छ। यसअघि ‘बरीलै…’ तथा ‘माया मै संगलाइ देउन…’ गीतबाट चर्चामा आएका गायक किरण भुजेल नेपाल आइडलका प्रतिभाशाली प्रतिस्पर्धि समेत हुन्। म्युजिक भिडियोमा गायक किरण भुजेल आफैंले अभिनय गरेका छन्। भिडियोमा उनलाई जुना सुन्दासले साथ दिएकी छिन्।

पुराना संगीतकार अनिल शाहीद्वारा संगीतबद्ध उक्त गीतका शब्दहरु सुवोध सुधाकर रिजालले रचना गरेका हुन्। गीतमा अनिल शाहीकै संगीत संयोजन छ। भिषण मानन्धरले प्रोग्रामिङ गरेको उक्त गीतलाई प्रकाश केसीले मिक्सिङ गरेका छन्। मोहनराज अधिकारीद्वारा निर्देशित उक्त म्युजिक भिडियोलाई नृत्यपरक बनाइएको छ। अमृत सुनुवारद्वारा छायांकन गरिएको भिडियोलाई माधव बेल्बासेले सम्पादन गरेका हुन्।