थाइल्याण्डमा चाँदनीलाई फकाउँदै जीवन (भिडियो)

ग्ल्यामर नेपाल, काठमाडौं । पछिल्लो समयमा चर्चित नायक जीवन लुँइटेल आजकल जुनसुकै कार्यक्रममा पुग्दा पनि ‘स्टुपिड वान’ भन्दै चिनाउँदै आएका छन्। आखिर नचिनाउन पनि किन, उनी अभिनित फिल्म ‘स्टुपिड मन’ भदौ २० गतेबाट रिलिज हुँदैछ।

स्टुपिड व्यक्तिकै रुपमा फिल्ममा अभिनय गरेका जीवनले फिल्मकी नायिका चाँदनी शर्मालाई यतिखेर उनको आँखामा आँशु हेर्न नसक्ने भन्दै फकाईरहेका छन्। थाइल्याण्डमा छायांकन गरिएको फिल्मको गीत ‘तिम्रो आँखामा आँशु हेरी’ बोलको गीत सार्वजनिक गरिएको छ। जसमा जीवन र चाँदनीको अभिनय हेर्न पाइन्छ। यो गीतलाई दुई दिन अघि राजधानीमा सम्पन्न ओफा अवार्डमा सार्वजनिक गरिएको थियो। अर्जुन पोखरेलको संगीत र शब्द रहेको गीतमा स्वरुपराज आचार्य र अञ्जु पन्तको स्वर रहेको छ।

दिवाकर भट्टराईद्वारा निर्देशित लभस्टोरी फ्लेबरको फिल्मका निर्माता नायक निरज बराल र विवेक शाही हुन्। फिल्ममा जीवन, चाँदनी र निरज बाहेक रिजु श्रेष्ठ, मार्टिन खानलगायतका कलाकारले अभिनय गरेका छन्। फिल्ममा अर्जुन पोखरेलको संगीत, दीर्घ खड्काको सम्पादन र संजय लामाको छायांकन रहेको छ।