निर्माता / निर्देशक कृशा चौलागाईंको छोटो फिल्म ‘ऐना’

Mirror – a reflection of life, A short film by Krisha Chaulagain

निर्देशक कृशा चौलागाईंले निर्देशन गरेको नयाँ छोटो चलचित्र ‘ऐना’ (Mirror) तिहारमा रिलिज हुने भएको छ। निर्माण पक्षले युएनए डिजिटल युट्युब च्यानलमार्फत उत्त चलचित्र सार्वजनिक गर्न लागेको जानकारी दिएको छ।

केपी फिल्म्सको ब्यानरमा निर्माण गरिएको यस चलचित्रको मुख्य भाव “जीवनको प्रतिबिम्ब” रहेको निर्देशक चाैलागाईले बताइन। उनले भनिन्,‘ऐना’ केवल दर्पण होइन, यो हाम्रो आत्मा र जीवनको कथा हो। प्रत्येक अनुहार र प्रत्येक क्षणमा एउटा कथा लुकेको हुन्छ, यही नै यस चलचित्रको सार हो।

चलचित्र ‘ऐना (Mirror)’ ले तिहारको उज्यालो, आत्मचिन्तन र माया संबन्धको गहिरो भावनालाई कलात्मक ढङ्गमा चित्रण गरेको बताइएको छ। चलचित्रले दर्शकलाई आफ्नै जीवन र समाजको प्रतिबिम्ब देखाउने प्रयास गरेको छ।

यो छोटो चलचित्रमा भोलाराज सापकोटा र सरिता गिरीको सशक्त र यथार्थपरक अभिनय गरेका छन्। उनीहरूको संवेदनशील प्रस्तुतीले दर्शकको मन छुने विश्वास निर्माण पक्षको छ। चलचित्रको सम्पादन भूपेन्द्र अधिकारीले गरेका हुन्।

निर्देशक चौलागाईंले यसअघि ‘पिताम्बर’, ‘ऐन्चो पैंचो’ जस्ता सफल चलचित्र निर्देशन गरिसकेकी छिन्। उनी फिल्म निर्देशनमा आउनु अगाडि निर्माताका रुपमा परिचित थिइन।

ALSO READ: The film that turned producer Krisha Chaulagain into a director!