ग्ल्यामर नेपाल, काठमाडौं ।
आफुले अभिनय गरेको फिल्ममा लभर ब्वाईका रुपमा प्रस्तुत भएका अभिनेता यशराज गरचलाई अब दर्शकले ऐतिहासिक भूमिकामा पर्दामा देख्न पाउने भएका छन् । नेपाल एकीकरणका महापुरुष पृथ्वीनारायण शाहको भूमिकामा उनलाई फिल्म ‘कीर्तिपुर’मा देख्न सकिन्छ ।
उनका अनुसार प्रदर्शनको तयारीमा रहेको फिल्ममा पृथ्वीनारायणले कीर्तिपुर माथि विजय प्राप्त गर्नु पूर्वको युद्धको कथालाई प्रस्तुत गरेको छ । प्रदीप खड्गीले निर्देशन गरेको फिल्ममा हिसिला महर्जन, मनि लावत, मदनदास श्रेष्ठ, अञ्जला नकर्मी लगायतले अभिनय गरेका छन् । फोकस फिक्चर्सको व्यानरमा बनेको फिल्मका निर्माता वीरेन्द्र ताम्राकार र प्रेम खड्गी हुन् ।
