नायक रेश मरहट्टाले गरे चर्चित र्यापर यम बुद्धकि बहिनी सँग इन्गेजमेन्ट

काठमाडौं । फिल्म तथा म्युजिक भिडियोमा सक्रिय अभिनेता रेश मरहठ्ठाले चर्चित ¥यापर यमबुद्ध(अनिल अधिकारी)की कान्छी बहिनी अस्मी अधिकारीसँग विवाह गर्ने भएका छन् । तीन वर्षदेखि प्रेममा परेका रेशले बालुवाटार निवासी अश्मीसँग शनिवार राजधानीमा इन्गेजमेन्ट गरेका हुन् ।

समाचार अनुसार अश्मीकी दिदी अनितामार्फत उनीसँग चिनजान भएपछि रेश नजिकिएका थिए । सिक्किम मनिपाल कलेजबाट बायोटेकमा मास्टर्स गरेकी अश्मी जेनेटिक्समा पिएचडी गर्न अमेरिका जाँदैछिन् । इन्गेजमेन्ट भए पनि उनीहरुको विवाहको मिति तय भईसकेको छैन् ।

अमेरिकाकै युनिभसिर्टीबाट बिजनेस एडमा मास्टस् गरेका रेशले क्रुजमा विवाह गर्ने योजना बनाएका छन् । अमेरिकन टेलिसिरियल ‘टच बाई एन एन्जल’बाट अभिनय यात्रा शुरु गरेका रेशले फिल्म ‘पिँजडा’बाट नेपाली रजतपटमा डेब्यु गर्दै दर्जन बढी फिल्ममा काम गरिसकेका छन् । उनको निर्माण तथा अभिनय रहेको ‘च्यालेन्ज’ रिलिज हुने क्रममा रहेको छ ।