भुकम्प पीडितकालागी पुनम इन्टरटेनमेन्टको स्वास्थ्य शिविर

वैशाख १२ गतेको महाभूकम्पमा परी घाइते भएकाका लागि मनकामना मन्दिर परिसरमा फिल्म निर्माण कम्पनी पुनम इन्टरटेनमेन्ट प्रा.लि.ले टिएमएस मेडिकल कलेज बंगलादेश र इजी पिपुल सप्लायर्सको सहकार्यतामा निःशुल्क स्वास्थ्य शिविर गरेको छ। शिविरमा सय भन्दा बढी बिरामीहरुको स्वास्थ्य परीक्षण गरिएको थियो।

बंगलादेशी प्रोफेसर डा.महाबुब्बुर रहिमको अगुवाइमा नेपाली नर्सहरुको टोलीले सञ्चालन गरेको शिविरमा बिभिन्न समस्या भएका बिरामीहरुको स्वास्थ्य जााच गरिएको पुनम इन्टरटेन्मेण्टकी अध्यक्ष पुनम क्षत्री गौतमले बताईन्। डा. रहिमले महाविपत्तिको बेला नेपाल आएर आफुले जानेको सेवा प्रदान गर्न पाउदा निकै खुशी लागेको बताए।

शिविरमा अभिनेत्री गौरी मल्ल, निमात्री पुनम क्षेत्री गौतम, इजी पिपुलका कुशल नहर्कीको सहभागिता थियो भने स्थानिय बासिन्दा र स्वयंसेवकहरु सक्रिय भएर लागेका थिए। टोलीले धादिङको बुङचु्र तथा गोरखा मनकामनामा ब्ल्यांकेट, झुल, बिस्कुट, लत्ताकपडा, बालबालिकाको आहार तथा औषधी लगायतका सामाग्री समेत वितरण गरेको थियो।