डेढ वर्षे रोमान्स पछि विवाह गरिन् रिमाले

काठमाडौं । अभिनेत्री रिमा विश्वकर्माले आइतबार लगनगाँठो कसेकी छन् । विहान ९ बजेदेखि पाँच तारे होटल ह्यातमा भएको समारोहमा उनले प्रेमी रोबर्ट विश्वकर्मासँग विवाह गरेकी हुन् । रोबर्ट हाल इंग्ल्याण्डमा बस्छन् ।

गणित विषयमा मास्र्टस गरेका धराने युवा रोबर्टसँग रिमाको डेढ वर्ष प्रेम चलेको थियो । विवाहमा दुलाहा र दुलही पक्षबाट करिब ६० जना ब्यक्तिहरुको मात्र उपस्थिति रहेको थियो । उनको कन्यादान उनका भाईले गरेका थिए ।
हिरोइनका तर्फबाट उनका सहकर्मीहरु बेनिशा हमाल, नन्दिता केसी र केकी अधिकारी मात्र उपस्थित थिए । उनले बेलुका रिसिप्सन पार्टी दिँदैछिन् ।

ढेढ बर्ष अघि रिमाले राष्ट्रियताको विषयमा एक स्टाटस फेसबुकमा पोष्ट गरेपछि त्यति बेलाका फ्यान रोर्वटले रिमाको ईनबक्समै गएर आफ्नो कमेन्टहरु दिन थालेपछि उनीहरु नजिकिएका थिए । २४ बर्षीया रिमा र रोबर्टको उमेर अन्तर चार बर्षको छ ।

तस्वीर: अनुप भट्टराई