असार १७ मा पारिवारिक प्रेमकथाको ‘अनमोल क्षण’,

चलचित्र ‘अनमोल क्षण’ असार १७ गतेदेखि नेपालमा रिलीज हुने भएको छ । अनमोल गुरुङले निर्देशन गरेको यो चलचित्र यसअघि सिक्किमका बिभीन्न स्थानमा रिलीज भैसकेको छ । चलचित्रमा शलोम काबो लेप्चा ,स्नेहा राई ,अनुरुप राई सन्नी लेप्चा लगायतको अभिनय देख्न सकिन्छ । श्री कृष्ण फिलिम्सले नेपालमा वितरण गर्न लागेको यो चलचित्रमा अनमोल गुरुङ र आनन्द राईको संगीत , पनु लुच्क्सोमको छायांकन रहेको छ ।

 सिक्किममै छायांकन भएको यो चलचित्रले बिभीन्न अवार्ड समेत जितीसकेको छ । पारिवारिक प्रेमकथामा निर्माण भएको यो चलचित्रलाई राधा थापाको प्रस्तुतीमा किसोर राईले निर्माण गरेका हुन् ।पछिल्लो समय सिक्किमबासी नेपालीहरु नेपाली चलचित्र निर्माणमा सक्रिय भैरहेका छन् ।