भदौ १७ गते रिलिज हुन लागेको चलचित्र ‘वृन्दावन’ को नयाँ भिडियो गीत सार्बजनिक भएको छ। ‘यो मनको कुरा’ बोलको भिडियो गीतमा शिल्पालाई नव–कलाकार दीपेन्द्र जीसीले साथ दिएका छन्।
सार्वजनिक गीतमा प्रविशा अधिकारी र दवित शंकरको स्वर, विकास चौधरीको संगीत, प्रदिप भारद्धाजको शब्द छ। चलचित्रमा शिल्पा पोखरेल, किशोर खतिवडा, नव–कलाकार दीपेन्द्र जीसी र बाँदरको पनि मुख्य भूमिका छ।
चलचित्रको ट्रेलर रिलिज भएएता चलचित्रले चर्चा पाएको छ। चलचित्रमा शिल्पाको एक्सनलाई विशेष रुचाइएको छ। रुद्र खनालको निर्माणमा तयार भएको यो चलचित्रलाई राजबहादुर सानेले निर्देशन गरेका हुन्। चलचित्रका सह–निर्माता कमल जीसी हुन्।
चलचित्रमा रामजी लामिछानेको नित्य निर्देशन, दिब्यराज सुबेदीको छायाँकन, बिकास चौधरी र दिपक शर्माको संगीत रहेको छ।
