करिव २ वर्ष पछि नायिका तथा निर्मात्री श्वेता खड्का चलचित्र नगरीमा फर्कने भएकी छिन्। सुपर हिट नेपाली चलचित्र कोहिनुर नायिका श्वेताले चलचित्र निर्माण गर्ने चर्चा केहि समय अघि देखि नै चलेता पनि चलचित्रको काम कहिले बाट शुरु गरिने बारे केहि बताईएको थियन।
नेपा मुभिजको ब्यानरमा नयाँ चलचित्र निर्माणको तयारीमा नायिका श्वेता खड्का रहेको जानकारी प्राप्त भएको छ। निर्देशक आकाश अधिकारीको निर्देशनमा निर्माण हुन लागेको चलचित्रमा नायिका श्वेताकै मुख्य भूमिका रहने छ। आकाशले एसअघि चलचित्र कोहिनुर निर्देशन गरेका थिय।
चैत्र / वैशाख बाट छायाँकन गरिने चलचित्रमा नायिका श्वेताले अभिनेता दयाहाङ्ग राई सँग जोधि बाध्ने खबर बाहिरिएको छ। यो चलचित्र प्रेमकथा र कमेडी जनरामा निर्माण हुने बताइएको छ।
