Actress Nita Dhungana
ग्ल्यामर नेपाल, काठमाडौँ। गत २६ पुस महिनामा दुई फिल्म रिलिज भएका थिए, ६ एकान ६ र बितेका पल। त्यसमध्ये ६ एकान ६ व्यावसायिक रूपमा हिट भयो। यस फिल्ममा ६ जना हिरोकी एक्ली हिरोइन थिइन्, नीता ढुंगाना। फिल्म सफल भएपछि उनी पनि व्यस्त हुने आशा राखिएको थियो तर भइदियो उल्टो। बितेका पल असफल भए पनि नायिका केकी अधिकारीको हातमा एकपछि अर्को फिल्म पररिहेको छ भने नीता पाइसकेको फिल्म पनि गुमाउँदै छिन्। यसअगाडि नीतालाई लिड रोलमा लिइने भनिएको एक फिल्म अन्तिममा केकीको पोल्टामा परेको छ। कृष्ण पौडेलले निर्देशन गर्न लागेको म्युजिकल लभस्टोरी धुनमा सुरुमा नीताको चर्चा चले पनि अहिले केकी अनुबन्ध भएकी हुन्। नीताको क्रेज घटेकाले निर्माण पक्षले केकीलाई रुचाएको बताइन्छ। यो फिल्ममा केकीले पहिलोपटक व्यस्त नायक जीवन लुइँटेलसँग स्क्रिन सेयर गर्दै छिन्।
