राजधानीमा एक कार्यक्रमको आयोजना गर्दै नेपाल चलचित्र प्राबिधिक संघको आयोजनामा हुन लागेको नेफ्टा अवार्डको उत्कृस्ट पाँच मनोनयन सार्बजनिक गरेको छ। आगामी २०१६ डिसेम्बर २३ (पौष ८) गते युएईमा नवौं नेफ्टा फिल्म अवार्डलाई व्यवस्थित तथा भब्य बनाउन युएईका लागि कन्सेप्ट भिजन फिल्म पोडक्सन तथा वितरक कम्पनि र स्पेक्ट्रम एडभरट्राइंङ् एण्ड मिडिया कन्सल्टेट संगको सहकार्यमा सम्पन्न हुने भएको हो।
रोमान्टिक फिल्म ‘क्लासिक नवौं नेफ्टा अवार्डको सर्वाधिक विधामा मनोनित भएको छ। दिनेश राउत निर्देशित यो फिल्म उत्कृस्ट फिल्म, उत्कृस्ट अभिनेता, उत्कृस्ट अभिनेत्री गरि कुल १८ विधाको मनोनयनमा परेको छ। त्यस्तै गरी १७ विभिन्न विधामा फिल्म “प्रेमगीत” मनोनित भएको छ भने उज्वल घिमिरे निर्देशित “वडा नम्बर ६” १५ विधामा मनोनित भएको छ। भरत शाक्य संयोजकत्वको पाँच सदस्यीय जुरी टीमले वर्ष ०७२ सालमा प्रदर्शनमा आएका फिल्मलाई मूल्यांकन गरेको हो।
नेफ्टा फिल्म अवार्डको छैठौँ, सातौँ र आठौ संस्करणको अवार्ड क्रमश मलेसिया हंगकंग, र कतारमा सम्पन्न भएको थियो। नवौं संस्करण नेफ्टा फिल्म अवार्डको युएईको व्यवस्थापनको जिम्मा सालिक सुबेदी, राजन अधिकारी र सुबाश सिंह ठकुरी (अनिश) ले गर्ने भएका छन।
नवौं नेफ्टा अवार्डको मनोनयन पूर्ण मनोनयन लिस्ट हेर्न यहाँ क्लिक गर्नुहोस्
