दर्शकहरु माझ लोकप्रिय अभिनेता दयाहाङ राई अब निर्देशक बन्ने भएका छन्। आउँदो वर्ष मात्रै फिल्मको सुटिङ सुरु गर्ने योजनामा छन् उनी। आफुले निर्देशन गर्ने फिल्मको स्क्रिप्ट दयाले आफै लेखेका छन् भने फिल्मको टाइटल र मुख्य भुमिकामा कसलाई अभिनय गराउने खुलाएका छैनन्।
सुरुमा नाटक लेख्ने सोचमा रहेका दयाहाङलाई उनका साथीहरुले फिल्म बनाउन सल्लाह दिएपछि उनी निर्देशनमा उत्रिएका हुन्।अभिनेताको छबी स्थापित हुँदा हुँदै फिल्म निर्देशन गर्ने उनी पहिलो कलाकार होइनन्। यसअघि नै अभिनेता निखिल उप्रेती र भुवन केसीले निर्देशन सुरु गरिसकेका छन्।
दर्शकहरु माझ लोकप्रिय अभिनेता दयाहाङको निर्देशनमा बनेको फिल्मले दर्शकलाई सन्तुष्ट बनाउन सक्ला नसक्ला ? त्यो भने हेर्न बाँकी नै छ। तपाइको बिचारमा दयाहाङले फिल्म निर्देशनमा हात हाल्नु ठिक होला कि नहोला ? के उनले निर्देशन गरेको फिल्मले दर्शकहरुको अपेक्षालाई पुरा गर्ला त ?
